ajjaj

Ay ajjaj !

bnaṭ tisqfin nwem
ax iεurar nneγ
D imeṭṭawen nneγ
A s tiḍi Nneγ !

Ay ajjaj γannej !
Nqerbent A remwaj Nqerεent
Ah ! A yasemmiḍ !
Ah ! Ay asiynu !
Mani teǧiḍ A yur inu ?
Nec war ǧiγ(lliγ) nec d tiri
Nec aqa-γiγ ḥed way ttwiri !

A γzeṭ ineḍrawen !
Tarremd car !
Maca ismawen kurci iddar
Neccin d rejruf ira Att-neqcem !
neccin d ruruf ira At-reqḍem !
Tanewact Teqdu εejnen xas ,
Tqubiεṭ war ṭeṣḍu ḥarwen-as Min γares d aṣḍu ,
Tfuct teγri tejmaε ifiran
innurzem yisri ruḥuc n yefran
Taǧest turi waγin y-itran
Ssufγend iri
A yewḍan Andehet bara i wendṛa
qa ucaren Ssabet(reγiǧeṭ) ruḥuc n rexra
Zammeṭ riqamet d ttesam x-yeẓra
A yajjaj γannej.


yurat i ghenjit lwalid mimoun